ހުޅުމާލެ مسجد الشيخ قاسم بن ثاني (ގުއްބު މިސްކިތް) ގައި މިހާރު ކުރިއަށްދާ މަސައްކަތްތައް މާލެ ސިޓީގެ މޭޔަރ އާދަމް ޢާޒިމާއި ހުޅުމާލެ ދެކުނު ދާއިރާގެ ކައުންސިލަރު އަޙުމަދު ޣާލިބު ބައްލަވައިލައްވައިފިއެވެ.

މި ޒިޔާރަތުގައި ޑެޕިއުޓީ މޭޔަރ މީކާއީލް މުޙައްމަދު ރިޔާޟް ވެސް ބައިވެރިވެވަޑައިގެންނެވިއެވެ. އަދި މިސްކިތުގެ ގޯތިތެރޭގައި ކުރިއަށްދާ މުހިންމު މަސައްކަތްތަކުގެ ތަފްސީލު އެ ބޭފުޅުން ވަނީ އޮޅުންފިލުވައިފައެވެ.

މި މިސްކިތުގައި މިހާރު ކުރަމުންދާ، މިސްކިތުގެ ބޭރުގައި ވުޟޫކުރާ ބަޔަކާއި ފާޚާނާ ބަރިއެއް ހެދުމުގެ މަސައްކަތް ފެށިފަހުން، އެ މަސައްކަތް ހުއްޓާލުމަށް އިސްލާމިކް މިނިސްޓްރީން އަންގާފައިވާތީ، ފާޚާނާ ބަރި ހެދުމަށް މިސްކިތުގެ ގޯތިތެރޭގައި ކޮނެފައިވާ ތަނަށް ފަސްއަޅައި އެއްވަރުކުރުމުގެ މަސައްކަތެވެ. މި މަސައްކަތްތައް ޢަމަލީގޮތުން ކުރިއަށް ގެންދަނީ މާލެ ސިޓީ ކައުންސިލްގެ މުވައްޒަފުންނެވެ.

މި މަސައްކަތާ ގުޅޭގޮތުން މޭޔަރ އާދަމް ޢާޒިމް ވިދާޅުވީ، "މިސްކިތުގެ ތެރޭގައި ފާޚާނާ ބަރި ހުރުމަކީ އެއްގޮތަކަށް ވެސް ރަނގަޅު ކަމެއް ނޫން" ކަމަށެވެ. މޭޔަރުގެ ވާހަކަފުޅުގައި މިސްކިތުގެ ހުރުމަތާއި ސާފުތާހިރުކަން ދެމެހެއްޓުމުގެ މުހިންމުކަން ފާހަގަކުރެއްވިއެވެ.

ކައުންސިލަރު އަޙުމަދު ޣާލިބު ވިދާޅުވީ، މިސްކިތުގެ ތެރޭގައިވާ ފާޚާނާ ބަރިއާއި ވުޟޫކުރާ ބައި މިސްކިތުގެ ބޭރަށް ލުމުން، މިސްކިތުގައި ނަމާދުކުރަން އޮތް ޖާގަ ބޮޑުވެ، މިސްކިތް އިތުރަށް ފުރިހަމަވެގެންދާނެ ކަމަށެވެ. މީގެ ސަބަބުން ނަމާދަށް އަންނަ ފަރާތްތަކަށް އިތުރު ފަސޭހަތަކެއް ލިބިގެންދާނެކަން އޭނާ ފާހަގަކުރެއްވިއެވެ.

ހުޅުމާލެ ގްރޭންޑް މިސްކިތުގެ ނަމުން މަޝްހޫރުވެފައިވާ މި މިސްކިތަކީ 2006 ވަނަ އަހަރު ޢިމާރާތްކޮށްފައިވާ، 1800 އަށްވުރެ ގިނަ މީހުންނަށް އެއްފަހަރާ ނަމާދުކުރެވޭ ވަރުގެ ބޮޑު މިސްކިތެކެވެ. މި މިސްކިތަކީ ފެހި ގަސްތަކުން ގޯތިތެރެ ޒީނަތްތެރިކޮށްފައިވާ، އަދި ސީލިންގުގައި ރީތި ޖިއޮމެޓްރިކް ޑިޒައިނެއް ހުންނަ ހިތްފަސޭހަ ބިނާއެކެވެ.

ގުއްބު މިސްކިތުގައި ކުރަމުން އަންނަ މަސައްކަތްތައް މޭޔަރާއި ކައުންސިލަރު ބައްލަވައިލައްވައިފި

ވެޓް މާރުކޭޓް މައްސަލައިގައި ބިން ހަވާލުކުރެވޭނީ ޤާނޫނާ ޤަވައިދުގެ ތެރެއިން ކަމަށް ސިޓީ ކައުންސިލުން ނިންމައިފިއެވެ.

މާލެ ސިޓީ ކައުންސިލުން މި ގޮތަށް ނިންމީ މިއަދު ބޭއްވި މާލެ ސިޓީ ކައުންސިލްގެ 5 ވަނަ ދައުރުގެ 4 ވަނަ ޢާންމު ޖަލްސާގައެވެ. 

ވެޓް މާރުކެޓް ހުރި ބިން، މިނިސްޓްރީ އޮފް ފިޝަރީޒް އެގްރިކަލްޗަރ އެންޑް އޯޝަން ރިސޯސަސްއާ ހަވާލުކުރުމަށް އެދި އެ މިނިސްޓްރީން ކައުންސިލަށް  ސިޓީ ފޮނުވުމާ ގުޅިގެން މި ކަމަށް ގޮތެއް ނިންމުމަށް ކުރެވުނު މަޝްވަރާގައި، ކައުންސިލުން ބުނެފައިވަނީ، މި މައްސަލައިގައި މީގެ ކުރިން ވެސް ތަކުރާރުކޮށް ހައުސިންގ މިނިސްޓްރީން ވެސް އެ ބިން ހަވާލުކުރުމަށް އެދި ކައުންސިލަށް ސިޓީ ފޮނުވައިފައި ކަމަށެވެ. އެހެން ނަމަވެސް އެ ތަނަކީ، ނިމިދިޔަ ދައުރުގައި އެ ތަން ތަރައްޤީ ކުރުމަށް ދެ ކުންފުންޏަކަށް އެގްރީމެންޓް ކޮށްފައިވާ ތަނެއް ކަމުން، އެ ކޮންޓްރެކްޓް ބާޠިލް ކުރުމަށް ފަހު މެނުވީ އެހެން ފަރާތަކަށް ބިން ނުދެވޭނެ ކަމަށް މޭޔަރ ޢާދަމް ޢާޒިމް ވިދާޅުވިއެވެ. އަދި މިކަމާ ގުޅޭ ހުރިހައި މަޢުލޫމާތެއް ސަރުކާރުގެ ކަމާ ބެހޭ މުއައްސަސާތަކާ ޙިއްސާ ކޮށްފައިވާނެ ކަމަށް ވެސް މޭޔަރ ޢާޒިމް ވިދާޅުވިއެވެ. 

"އެހެން ފަރާތަކާ ހަވާލުކޮށްފައި އޮންނަ ބިމެއް، އެ ކޮންޓްރެކްޓް ބާޠިލް ނުކޮށް ދެވަނަ ފަރާތަކަށް ނުދެވޭނެ. އެހެން އޮތް ކަމެއް، އެ ބޭފުޅުންނަށް އެނގިތިއްބަވައިގެން، ސިޓީ ކައުންސިލާ މަޝްވަރާ ވެސް ނުކޮށް އެ ބޭފުޅުން އަތުގައި ނެތް ބިމެއް އިތުރު އެހެން ބަޔަކަށް އެގްރީމެންޓްކޮށް، ސަރުކާރު ފަރާތުން ހައުސިންގ މިނިސްޓަރ ސޮއި ކުރުމަކީ އަޅުގަނޑު ދެކޭ ގޮތުގައި ވަރަށް ބޮޑަށް ޤާނޫނާ ޚިލާފު ޢަމަލެއް. މި ކަމުން ސަރުކާރު އިތުރަށް ބަދުނާމުވަމުން އެ ދަނީ. މީގެ ސަބަބުން ރައްޔިތުންގެ އިތުބާރު ގެއްލިގެން ދަނީ" މޭޔަރ ޢާޒިމް ވިދާޅުވިއެވެ. 

މި ޖަލްސާގައި، މި މައްސަލައާއި ގުޅިގެން ސިޓީ ކައުންސިލުން ހައުސިންގް މިނިސްޓްރީއަށް ފޮނުއްވި ސިޓީ ވަނީ ހަމާކުރައްވާފައެވެ. އެ ސިޓީގައި، ކައުންސިލުން ދެ ފަހަރެއްގެ މަތިން އެގްރީމެންޓް ކުރެވުނު ގޮތުގެ ތަފްސީލު ބަޔާންކޮށްފައިވެއެވެ. އަދި މި ރޮޖެކްޓް އޭރުގެ ހައުސިންގ މިނިސްޓްރީން ކުރިޔަށް ގެންދިއުމަށް ނިންމުމުން، އެ ޕްރޮޖެކްޓާ ގުޅޭ ލިޔެކިއުންތައް ހައުސިންގ މިނިސްޓްރީއަށް ގެންގޮސްފައިވާކަން އެ ސިޓީގައި ބަޔާންކޮށްފައިވެއެވެ. އެ ލިޔެ ކިއުންތައް ގެންގޮސްފައިވަނީ، އުސޫލްތަކާ ޚިލާފަށް ކަން ވެސް މި ސިޓީގައި ވަނީ ބަޔާންކޮށްފައެވެ. އަދި މި ބިން ހަވާލުކުރެވޭނީ އެ އެއްބަސްވުންތައް ބާޠިލް ކުރުމަށް ފަހުގައި ކަމަށާއި، ޤާނުނީ ގޮތުން މި މައްސަލައާއި ގުޅުން ހުރި އެތައް ކަމެއް އެ ސިޓީގައި ބަޔާން ކޮށްފައިވެއެވެ. 

މި ކަމާ ގުޅިގެން ކައުންސިލަރުން ދެއްކެވި ވާހަކަފުޅުގައި، ހައުސިންގ މިނިސްޓްރީއާ ބައްދަލުކޮށް، މި މައްސަލައަށް އެދެވޭ ހައްލެއް ހޯދުމަށް މަސައްކަތް ކުރުމަށް ވަނީ ނިންމާފައެވެ. އަދި ހައުސިންގ މިނިސްޓްރީން މި ކަމަށް އެއްބާރުލުން ލިބެންދެން  މަސައްކަތް ހުއްޓައިނުލައި ކުރިޔަށް ގެންދިއުމަށް ވެސް، ކައުންސިލަރުން ވަނީ ނިންމާފައެވެ. 

މާލެ މާސްމާރުކޭޓަކީ، ވަރަށް ބޮޑަށް ވިރާނާވެފައިވާ ތަނެއް ކަމަށާއި، ރަނގަޅު ފެންވަރުގައި، ވީހާ ވެސް އަވަހަށް ތަރައްޤީކޮށް ރައްޔިތުންނަށް ޚިދުމަތް ލިބޭނެ މަގު ފަހިކުރުމަކީ ވަރަށް މުހިއްމު ކަމެއް ކަމުގައި ދެކޭ ކަމަށް ވެސް މޭޔަރ ޢާޒިމް ވަނީ ވިދާޅުވެފައެވެ. 

ވެޓް މާރުކޭޓް މައްސަލައިގައި ބިން ހަވާލުކުރެވޭނީ ޤާނޫނާ ޤަވައިޢިދުގެ ތެރެއިން ކަމަށް ނިންމައިފި

މާލެ ސިޓީ ކައުންސިލުން ޝެރެޓް ސްޓޫޑިއޯ އާ ހަވާލުކޮށްގެން ކުރިއަށްގެންދާ "ރީތިންކް މާލެ ސިޓީ" (Rethink Malé City) މަޝްރޫއުގެ ދަށުން، މާލޭގެ ތަރައްޤީގެ ޕްލޭން އެކުލަވާލުމުގެ މަސައްކަތްތައް އަލަށް އިންތިހާބުވެވަޑައިގެންނެވި ކައުންސިލަރުންނާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީ (ޑަބްލިއުޑީސީ) ގެ މެމްބަރުންނާ ހިއްސާކޮށްފިއެވެ.

މާލޭގެ މުސްތަޤްބަލް ބައްޓަން ކުރުމުގެ މި މުހިންމު މަޝްރޫއުގެ މަޢުލޫމާތު ހިއްސާކުރުމަށް ބޭއްވި ސެޝަން ކުރިއަށްދިޔައީ މީރުމާ ހޮޓަލުގައެވެ. މި ބައްދަލުވުމުގައި މާލެ ސިޓީގެ މޭޔަރު އާދަމް ޢާޒިމާއި، ރާއްޖޭގެ ކުރީގެ ރައީސް މުޙައްމަދު ނަޝީދުގެ އިތުރުން ސިޓީ ކައުންސިލްގެ އިސްވެރިން ބައިވެރިވެވަޑައިގެންނެވިއެވެ.

މި މަޝްރޫއާ ގުޅޭގޮތުން ވާހަކަދފުޅުދައްކަވަމުން މޭޔަރު އާދަމް ޢާޒިމް ވިދާޅުވީ، މިއީ ހަމައެކަނި ކައުންސިލުން އެކުލަވާލާ ޕްލޭނެއް ނޫން ކަމަށާއި، މިއީ މާލޭގެ ހުރިހާ ރައްޔިތުންގެ މުސްތަގުބަލާ ގުޅިފައިވާ މުހިންމު މަސައްކަތެއް ކަމަށެވެ. "125،000 އަށްވުރެ ގިނަ އުޅަނދު ދުއްވާ މި ކުޑަ ސިޓީއަށް ހުށަހެޅިފައިވާ އިސްލާހުތަކަކީ މިހާރުން މިހާރަށް ބޭނުންތެރި ކަންތައްތަކެއް،" މޭޔަރު ފާހަގަކުރެއްވިއެވެ. އަދި މި މަސައްކަތް ކާމިޔާބުކުރުމުގައި ޢާންމު ރައްޔިތުންނާއި އަމިއްލަ މުއައްސަސާތަކުގެ އެއްބާރުލުން ނުހަނު ބޭނުންވާނެ ކަމަށް ވެސް އެ މަނިކުފާނު ވިދާޅުވިއެވެ.

މި ބައްދަލުވުމުގައި ވާހަކަފުޅުދައްކަވަމުން ކުރީގެ ރައީސް މުޙައްމަދު ނަޝީދު ވިދާޅުވީ، މިއީ ދުނިޔޭގެ ނިސްބަތުން އެންމެ ތޮއްޖެހިފައިވާ އަދި ތިމާވެށީގެ ގޮންޖެހުންތައް ބޮޑު އެއް ސިޓީގެ ގޮތުގައި އޮތް މާލެއަށް ދިމާވެފައިވާ މައްސަލަތަކަށް ހައްލު ހޯދުމަށް ފަރުމާކުރެވިފައިވާ ފުރިހަމަ މަސައްކަތެއް ކަމަށެވެ. މި މަޝްރޫއުގެ ދަށުން ކުރިއަށްގެންދިޔަ ސާވޭތަކުގެ ނަތީޖާއަށް ބަލާއިރު، މާލޭގެ ރައްޔިތުން އެންމެ ބޮޑަށް އެދެނީ މަގުތަކުގެ ރައްކާތެރިކަން ކަށަވަރުކުރުމަށާއި، ހިތްފަސޭހަ ފެހި މައިދާންތައް އިތުރުކުރުމަށް ކަން ރައީސް ނަޝިދު ވަނީ ފާހަގަކުރައްވައިފައެވެ.

މި އިސްތިރާޖީ ޕްލޭން ބިނާވެފައިވަނީ ތިމާވެށި، އިގްތިސާދު އަދި އިޖުތިމާޢީ ދާއިރާއާ ގުޅޭ 7 މުހިންމު ކަމެއްގެ މައްޗަށެވެ.

އެގޮތުން އެކަންކަމަކީ:

1. ދުވެލި ހަލުވި ސިޓީއެއް (A City That Moves): އަމިއްލަ އުޅަނދުތަކަށް ބަރޯސާވުން ކުޑަކޮށް، އާންމު ދަތުރުފަތުރާއި ހިނގައިފައި އުޅޭ މީހުންނަށް އިސްކަންދިނުން.

2. ހިތްފަސޭހަ ފެހި ސިޓީއެއް (A City That Is Cool): ގަސް އިންދުން އިތުރުކޮށް، ފެންބޮޑުވުމުގެ މައްސަލައަށް ހައްލު ހޯދައި، ހޫނުމިން ކުޑަކުރުން.

3. ބަދަލުތަކަށް އިޖާބަދޭ ސިޓީއެއް (A City That Is Adaptable): މީހުން ދިރިއުޅޭ ސަރަހައްދުތަކާ ނުގުޅޭ ސިނާޢީ މަސައްކަތްތައް އެހެން ތަންތަނަށް ބަދަލުކުރުން.

4. ފާގަތި ސިޓީއެއް (A City That Thrives): އިގްތިސާދީ ޚާއްޞަ ޒޯންތަކާއި ވަޒީފާގެ ފުރުސަތުތައް އިތުރުވާނެ ފަދަ ސަރަހައްދުތައް ކަނޑައެޅުން.

5. އެންމެންގެ ސިޓީއެއް (A City For Everyone): ހުރިހައި ފަންތިއެއްގެ ރައްޔިތުންނަށް އެކަށީގެންވާ ބޯހިޔާވަހިކަމާއި އިޖުތިމާޢީ މައިދާންތައް ފަސޭހައިން ލިބޭނެ މަގު ފަހިކުރުން

6. އަމިއްލަވަންތަކަން ހުރި ސިޓީއެއް (A City With Character): މާލޭގެ ޒަމާނީ ބިނާތަކާއި އާސާރީ ތަންތަން ރައްކާތެރިކޮށް، ސަގާފީ މުއްސަނދިކަން އަންނަން އޮތް ޖީލުތަކަށް ފޯރުކޮށްދިނުން.

7. ރައްކާތެރި ސިޓީއެއް (A City That Is Safe): ޢުމުރުން ދުވަސްވީ މީހުންނަށް ފަސޭހަ އަދި އިޖުތިމާޢީ ރައްކާތެރިކަން ކަށަވަރުވެފައިވާ މާލެއެއް ބިނާކުރުން.

މީގެ އިތުރުން މި އިސްތިރާޖީ ޕްލޭން އެކުލަވައިލުމުގައި ރައްޔިތުންގެ ޚިޔާލު ހޯދުމަށް ވަނީ ބޮޑު އިސްކަމެއް ދީފައެވެ.

އެކަންކަމުގެ ތެރޭގައި ހިމެނެނީ:

• އޮކްޓޫބަރު 2025 ގައި ބޭއްވުނު ފުރަތަމަ ސެޝަނުގައި 78 ބައިވެރިން ބައިވެރިވިއެވެ.

• ޑިސެމްބަރު މަހު ބޭއްވުނު ވޯޓިންގް ސެޝަނުގައި 61 ފަރާތަކުން ޚިޔާލު ދީފައިވެއެވެ.

• އޮންލައިންކޮށް ކުރިއަށްގެންދިޔަ ސާވޭއަށް ގިނަ ޢަދަދެއްގެ ރައްޔިތުންގެ އިޖާބަ ދީފައިވެއެވެ.

މި ސާވޭތަކުން ދައްކާގޮތުގައި، ރައްޔިތުން އެންމެ ބޮޑަށް އެދެނީ މަގުތަކުގެ ރައްކާތެރިކަން ކަށަވަރުކުރުމަށާއި، ހިތްފަސޭހަ ފެހި މައިދާންތައް އިތުރުކުރުމަށެވެ. މާލޭގެ "އާބަން ސްޓްރެޓެޖީ 2030-2050" އާ ގުޅޭ އިތުރު ތަފްސީލާއި، ލޭންޑް ޔޫސް ޕްލޭންގެ ޗާޓުތައް ބަލާލުމަށް މާލެ ސިޓީ ކައުންސިލްގެ ރަސްމީ ވެބްސައިޓުގެ މި ލިންކަށް ވަނުމުން  

https://storymaps.arcgis.com/stories/17686b559bb24b0ab721cbe751757291

 ފެނިވަޑައިގަންނަވާނެއެވެ. 

ރީތިންކް މާލެ ސިޓީގެ މަޝްރޫއުގެ އަދާހަމަ އައު ކައުންސިލަރުންނަށާއި ޑަބްލިއުޑީސީގެ މެމްބަރުންނަށް ހިއްސާކޮށްފި

ސިވިލް ސަރވިސްގެ މަސައްކަތްތައް ރޭވިފައިވާ ގޮތްތައް ދިރާސާކޮށް، ރައްޔިތުންނަށް ފޯރުކޮށްދޭ ޚިދުމަތްތަކުގެ ފެންވަރު ރަނގަޅު ކުރުމަށްޓަކައި ބާއްވާ 5 ވަނަ "ސިވިލް ސަރވިސް ކޮންފަރެންސް" ގައި މާލެ ސިޓީގެ މޭޔަރ އާދަމް ޢާޒިމް ބައިވެރިވެވަޑައިގެންފިއެވެ. 

މި ކޮންފަރެންސްގައި މޭޔަރ ޢާޒިމްގެ އިތުރުން މާލެ ސިޓީ ކައުންސިލްގެ ސެކްރެޓަރީ ޖެނެރަލް ޢަބްދުލް މުޙައިމިން ނަސީރު ވެސް ބައިވެރިވެވަޑައިގެންނެވިއެވެ. 

މިއަހަރުގެ ކޮންފަރެންސަށް ކަނޑައަޅާފައިވާ ޝިޢާރަކީ "ކުރިމަގަށް ތައްޔާރުވެފައިވާ އިޖާބަދޭ ހިންގުންތެރިކަމެއް - މީހުން ބާރުވެރިކުރުވައި، ހަލުވިކަމާއެކު ޚިދުމަތްތައް ހަރުދަނާކުރުން" މިއެވެ. މި ޝިޢާރުގެ ދަށުން ޚިދުމަތްތައް އަވަސްކުރުމާއި، މުވައްޒަފުންގެ ހުނަރު އިތުރުކުރުމަށް ބާރުއަޅާނެއެވެ.

މި ކޮންފަރެންސްގައި ސިވިލް ސަރވިސްގެ އެކި އިދާރާތަކުގެ އިސް މުވައްޒަފުންނާއި، ސަރުކާރު ޙިއްޞާވާ ކުންފުނިތަކުގެ އިތުރުން ސިޓީ އަދި ރަށު ކައުންސިލްތަކުން ޖުމުލަ 350 މީހުން ބައިވެރިވެއެވެ. މީގެ ތެރޭގައި ސިޔާސަތު ކަނޑައަޅާ ފަރާތްތަކާއި އިދާރީ ހިންގުންތެރިން ހިމެނެއެވެ.

މި ކޮންފަރެންސްގައި މަޝްވަރާކުރެވޭ ކަންކަމާއި އަދި ހުށަހެޅޭ ދިރާސާ ކަރުދާސްތަކުން ފާހަގަކުރެވޭ ކަންކަމަށް ރިޢާޔަތްކޮށް، ސިވިލް ސަރވިސް ހަރުދަނާކުރުމަށް ގެންނަންޖެހޭ ބަދަލުތައް ގެނައުމަށް އިސްކަން ދެއެވެ.  

ސިވިލް ސަރވިސް ކޮންފަރެންސްގައި މާލެ ސިޓީގެ މޭޔަރ އާދަމް ޢާޒިމް ބައިވެރިވެވަޑައިގެންފި

އެމްބީއޭ އިންޓަރ-އޮފީސް 3 އޮން 3 ބާސްކެޓް މުބާރާތުގެ ފިރިހެނުންގެ 1 ވަނަ ޑިވިޝަންގެ ރަނަރއަޕް ކަން މާލެ ސިޓީ ކައުންސިލުން ހޯދައިފިއެވެ. 

މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ) އިން އިންތިޒާމް ކޮށްގެން ބޭއްވި އިންޓަރ އޮފީސް ޓޯނަމެންޓަކީ ސަރުކާރުގެ އޮފީސްތަކާއި، ކުންފުނިތައް އަދި އަމިއްލަ ކުންފުނިތަކަށް އަމާޒުކޮށްގެން ކުރިއަށްގެންދިޔަ ފޯރިގަދަ މުބާރާތެކެވެ. 

މި މުބާރާތުގައި ފިރިހެން 1 ވަނަ ޑިވިޝަންގައި ޖުމްލަ 5 ޓީމަކުން ވަނީ ބައިވެރިވެފައެވެ. 

މި މުބާރާތުގެ ފައިނަލް މެޗުގައި މާލެ ސިޓީ ކައުންސިލާއި ކްލަބް އިމިގްރޭޝަން ބައްދަލުކުރި މެޗް 21 ޕޮއިންޓް 16 ޕޮއިންޓުން ކާމިޔާބު ކޮށް މުބާރާތުގެ ފިރިހެން 1 ވަނަ ޑިވިޝަންގެ ޗެމްޕިއަންކަން ހޯދާފައިވަނީ ކްލަބް އިމިގްރޭޝަނެވެ. 

މި ޑިވިޝަންގައި މާލެ ސިޓީ ކައުންސިލުން ޖުމްލަ 6 މެޗް ކުޅެފައިވާއިރު އޭގެ ތެރެއިން ތިން މެޗުން މާލެ ސިޓީ ކައުންސިލުން ވަނީ ކުރި ހޯދާފައެވެ. 

މި މުބާރާތުގައި މާލެ ސިޓީ ކައުންސިލުން ބައިވެރިވެފައިވަނީ ހަމައެކަނި ފިރިހެން 1 ވަނަ ޑިވިޝަންގެ މެޗް ތަކުގައެވެ. އަދި މި ޓީމްގައި މާލެ ސިޓީގެ ޑެޕިއުޓީ މޭޔަރ މީކާއިލް މުޙައްމަދު ރިޔާޟާއި، ހުޅުމާލެ މެދު ދާއިރާގެ ކައުންސިލަރު އަޙްމަދު ސަނީޙް ޙަނީފް ވަނީ ބައިވެރިވެ މޮޅު ކުޅުމެއް ދައްކާފައެވެ. 

އިންޓަރ-އޮފީސް ބާސްކެޓް މުބާރާތުގެ ފިރިހެން ރަނަރއަޕް ޓީމަކަށް މާލެ ސިޓީ ކައުންސިލް  

މާލެ ސިޓީގެ މޭޔަރ އާދަމް ޢާޒިމް، ޓްރެފިކް މެނޭޖްމަންޓް ޑިޕާޓްމަންޓް (ޓްރެފިކް ޕޮލިސް)ގެ އިސްވެރިންނާ ބައްދަލު ކުރައްވައިފިއެވެ. 

އިސްކަންދަރު ކޮށީގައި މިއަދު ބޭއްވި މި ބައްދަލުވުމުގައި، މާލެ ސިޓީގެ މޭޔަރގެ އިތުރުން ޑެޕިއުޓީ މޭޔަރ މީކާއިލް މުޙައްމަދު ރިޔާޟް އަދި ކޮމިއުނިޓީ އެންގޭޖްމެންޓް ޔުނިޓް ވެރިޔާ، ޝަމްހޫޒާ އަޙްމަދު ބައިވެރިވެވަޑައިގެންނެވިއެވެ. 

މި ބައްދަލުވުމުގައި މާލެ ސިޓީއަށް ދިމާވެފައިވާ ޓްރެފިކް މައްސަލަތައް ހޯދައި އެ މައްސަލަތަކަށް ހައްލު ހޯދުމަށް، ފުލުހުންނާއި މާލެ ސިޓީ ކައުންސިލް ގުޅިގެން ކުރެވިދާނެ މަސައްކަތްތަކާ ބެހޭ ގޮތުން މަޝްވަރާކުރެވުނެވެ. އެ ގޮތުން، މާލެ ސިޓީގެ ޢާންމު ދަތުރުފަތުރުތަކަށް ދިމާވާ ދަތިތަކާއި، މަގުމަތީގައި ހިނގާ އެކްސިޑެންޓްތައް މަދުކުރުމާއި، ޕާކިން މައްސަލަތަކުގެ އިތުރުން ޤަވާޢާދުތައް ހަރުދަނާ ކުރުމާ ގުޅޭ ގޮތުން ވަނީ މަޝްވަރާކޮށްފައެވެ. 

މާލެ ސިޓީގެ މޭޔަރ އާދަމް ޢާޒިމް ވިދާޅުވީ، މާލެ ސިޓީގެ ޓްރެފިކްގެ މައްސަލައަކީ ވަރަށް ގިނަ ބައެއްގެ ކަންބޮޑުވުމެއް ކަމަށާއި، މި މައްސަލަ ހައްލުކުރުމަށް މާލެ ސިޓީ ކައުންސިލްގެ ފުރިހަމަ އެއްބާރުލުން ދެއްވާނެ ކަމަށެވެ. އެ ގޮތުން މޭޔަރ ޢާޒިމް ވަނީ، މިހާރު މާލެ އަށް ދިމާވެފަވާ ޓްރެފިކް މައްސަލަތާކާއި، އެ މައްސަލަތައް ހައްލުކުރުމަށް ފުލުހުންގެ އިދާރާއިން މާލެ ސީޓީ ކައުންސިލާއި ގުޅިގެން ކުރެވިދާނެ ކަންކަން ޕްރޮޕޯޒަލް އެއްގެ ސިފައިގައި ކައުންސިލަށް ހުށަހެޅުމަށް އެދިވަޑައިގެންނެވިއެވެ. އަދި އެ ޕްރޮޕޯޒަލްގައި ހިމެނޭ ކަންކަމާ ގުޅޭ ގޮތުން ކައުންސިލުންގެ ބައްދަލުވުން ތަކުގައި މަޝްވަރާކޮށް ކައުންސިލަރުންނާއި ގުޅިގެން މި ދައުރުގައި އެދެވޭ ހެޔޮ ބަދަލުތަކެއް ގެނެސްދެއްވާނެ ކަމަށް ވެސް މޭޔަރ ވިދާޅުވެފައެވެ. 

މާލޭގެ ޓްރެފިކް މައްސަލައަކީ މާލޭގައި ދިރިއުޅޭ މީހުންގެ އިތުރުން މާލެއަށް ޒިޔާރަތް ކުރާ ކޮންމެ މީހަކަށްމެ މިކަމުގެ އުނދަގޫ ވަރަށް ބޮޑަށް ފޯރާ ކަމެކެވެ. އެހެންކަމުން މި މައްސަލައަށް ހައްލު ހޯދުމަށް މޭޔަރ ޢާޒިމް ގެންދަވަނީ، ސަރުކާރާއި ކަމާބެހޭ އިދާރާތަކާ ގުޅިގެން ގިނަ މަސައްކަތްތަކެއް ކުރައްވަމުންނެވެ. 

އެ ގޮތުން ނިމިދިޔަ ދައުރުގައި މޭޔަރ ޢާޒިމްގެ އިރުޝާދުގެ ދަށުން މާލެއަށް އެންމެ ގިނަވެގެން އެތެރެކުރެވޭނެ އުޅަނދުގެ ޢަދަދުގެ ދިރާސާއެއް ވެސް ވަނީ ހައްދަވައިފައެވެ. އަދި މާލޭގެ ގިނަ ސަރަހައްދު ތަކެއްގައި ޕާކިން ޒޯންތައް ތަރައްޤީކޮށް، މަގުތަކުގައި ހިނގާ މީހުންނަށާއި ދުއްވާ މީހުންނަށް ފަސޭހަވާނެ ގިނަ ކަންތައްތަކެއް ވަނީ ކުރައްވައިފައެވެ. 

މާލެ ސިޓީގެ މޭޔަރ ޓްރެފިކް ޕޮލިހުގެ އިސްވެރިންނާ ބައްދަލު ކުރައްވައިފި

ލެޔަކީ އިންސާނަކު ދިރިހުރުމަށް ބޭނުންވާ އެންމެ އަސާސީ އެއް މާއްދާ ކަމަށް ވާތީ، ލޭ ދެވެން އޮތް ކޮންމެ ފަރުދަކު ވެސް ލޭ ހަދިޔާކުރުމަށް، މާލެ ސިޓީގެ މޭޔަރ އާދަމް ޢާޒިމް ދިވެހި ރައްޔިތުންނަށް އިލްތިމާސް ކުރައްވައިފިއެވެ.

މޭޔަރ މި ކަމަށް އިލްތިމާސް ކުރެއްވީ، މިއަދު ފާހަގަކުރަމުންދާ ދުނިޔޭގެ ލޭ ހަދިޔާ ކުރާ ދުވަހުގެ މުނާސަބަތުގައި، އެ މަނިކުފާންގެ އަމިއްލަފުޅު އެކްސް އެކައުންޓުގައި ޝާއިޢު ކުރެއްވި  މެސެޖެއްގައެވެ.

މޭޔަރ ޢާޒިމް ވިދާޅުވީ، ދުނިޔޭގެ ލޭ ހަދިޔާ ކުރާ ދުވަހަކީ ވަރަށް ގިނަ ގޮތްގޮތުން ދިވެހިރާއްޖެއަށް މުހިއްމު ދުވަހެއް ކަމަށެވެ. މީގެ މައިގަނޑު ސަބަބަކީ ރާއްޖެއަކީ، އާބާދީގެ ނިސްބަތުން ލޭ އަޅާ ބަލި، ނުވަތަ ތެލެސީމިޔާ ހުރި ކުދިން ގިނަ ޤައުމަކަށް ވުން ކަމުގައި މޭޔަރ ފާހަގަކުރެއްވިއެވެ.

ލޭ ހޯދުމަށް، ތެލެސީމިޔާ ކުދިންގެ ބެލެނިވެރިން އުފުލަމުންދާ ތަކުލީފުތަކަށް އަލިއަޅުއްވާލައްވަމުން މޭޔަރ ވިދާޅުވީ، "ތެލެސީމިޔާ ހުރި ކުއްޖެއްގެ ބެލެނިވެރިއަކު، ދަރިފުޅުގެ ދިރިހުރުމަށް ޓަކައި ލޭހޯދަން ކުރާ މަސައްކަތާއި އެކަމަށް ޓަކައި އުފުލާ ތަކުލީފާއި އެކަމާމެދު ފިކުރުކޮށް ހިތުގައި އަޅާ ވޭނަކީ، އެ ކަން ތަޙައްމަލް ނުކުރާ މީހަކަށް ތަޞައްވުރު ކުރެވޭނެ ކަމެއް ނޫން" ކަމަށެވެ.

އެހެންކަމުން، ލޭ ބޭނުންވެގެން އާދޭސް ކުރާ ލޮބުވެތި ރައްޔިތުންގެ ކެކުޅުމާއި ވޭނަށް ލުޔެއް ދިނުމަށް އެހީތެރިވުމަށް، އިޚުލާޞްތެރިކަމާއި އެޙުސާންތެރިކަމާއެކު އިޖާބަދީ، ލޭ ހަދިޔާކުރުމަށް މޭޔަރ އާދަމް ޢާޒިމް ވަނީ ހުރިހައި ރައްޔިތުންގެ ކިބައިން އެދިވަޑައިގެންފައެވެ.

ލޭ ދެވެން އޮތް ކޮންމެ ފަރުދަކު ވެސް ލޭ ހަދިޔާކުރުމަށް މޭޔަރ އާދަމް ޢާޒިމް އިލްތިމާސްކޮށްފި

ހުޅުމާލެ ދެވަނަ ފިޔަވަހީގައި ފަހި ދިރިއުޅުން ކޯޕަރޭޝަން (އެފްޑީސީ) އިން ތަރައްޤާކޮށްފައިވާ 4،000 ފްލެޓް ހިމެނޭ ސަރަހައްދުގައި ބަސް ހުއްޓިތައް ނެތުމުގެ ސަބަބުން އެ ސަރަހައްދުގައި ދިރިއުޅޭ ރައްޔިތުންގެ ކަންބޮޑުވުން އިންތިހާއަށް އޮތް ކަމަށް، ހުޅުމާލެ އުތުރު ދާއިރާގެ ކައުންސިލަރު ފާތިމަތު ޒަހިއްޔާ ވިދާޅުވެއްޖެއެވެ.

ކައުންސިލަރު ޒަހިއްޔާ މިހެން ވިދާޅުވީ، ފަހި ދިރިއުޅުން ކޯޕަރޭޝަނުން ފްލެޓް ދޫކޮށްފައިވާ ފަރާތްތަކަށް ރަށްވެހިންގެ ރަޖިސްޓްރީ ހަދައިދިނުމާ ގުޅޭގޮތުން، ފަހި ޔޫނިއަން ޖަމިއްޔާއާއެކު މިދިޔަ ހަފްތާގައި ބޭއްވި ބައްދަލުވުމެއްގައެވެ. 

މި ބައްދަލުވުމުގައި ޒަހިއްޔާ ފާހަގަކުރެއްވި ގޮތުގައި، އެ ސަރަހައްދުގައި ބަސް ހުއްޓިއެއް ނެތުމަކީ ދިރިއުޅޭ ރައްޔިތުންނަށް ކުރިމަތިވެފައިވާ ވަރަށް ބޮޑު ގޮންޖެހުމެކެވެ.

އެ ގޮތުން، ބަހުގެ ޚިދުމަތް އެކަށީގެންވާ ގޮތެއްގައި ނުލިބުމުގެ ސަބަބުން، ކުދިން ސްކޫލަށް ގެންދިއުމާއި އޮފީސްތަކަށް ދިއުމުގައި ޢާންމުންނަށް ބޮޑެތި އުނދަގޫތަކަކާ ކުރިމަތިލާން ޖެހިފައިވާ ކަމަށް އޭނާ ވިދާޅުވިއެވެ. މި ކަމުގެ ސަބަބުން، ރައްޔިތުންގެ ދިރިއުޅުމުގެ ޢާންމު ކަންކަމަށް ބުރޫއަރަމުންދާކަން، ކައުންސިލުން ވަނީ ފާހަގަކުރައްވައިފައެވެ.

މި ކަމާ ގުޅިގެން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، މި މައްސަލައަށް އަވަސް ހައްލެއް ހޯދުމަށް ކަމާގުޅުންހުރި ހުރިހައި އިދާރާތަކާ ބައްދަލުކޮށް މަސައްކަތްތައް ފަށްޓަވާނެ ކަމަށެވެ. "އެ ފްލެޓްތަކުގައި ވެސް އުޅެނީ އިންސާނުން، އެ މީހުންނަށް ވެސް ފަސޭހަވާނެހެން ބަސް ހުއްޓިތައް ހުންނަން ޖެހޭނެ" މޭޔަރ ވިދާޅުވިއެވެ.

މީގެ އިތުރުން، އެއްވެސް ސަބަބަކާ ހުރެ ފްލެޓް މިލްކުނުވާ ހާލަތެއް މެދުވެރިވެއްޖެ ނަމަ، އެ ވަގުތަކު ރަށްވެހިންގެ ރަޖިސްޓްރީގައި ތިބި ފަރާތްތައް މާލެ ސިޓީގެ ދަފްތަރުގައި ޖައްސައިދިނުމަށް، މާލެ ސިޓީ ކައުންސިލުން ވަނީ ނިންމައިފައެވެ. މިއީ އެ ސަރަހައްދުގައި ދިރިއުޅޭ ރައްޔިތުންގެ ޙައްޤުތައް ކަށަވަރުކުރުމަށް އެޅުނު މުހިންމު ފިޔަވަޅެއްގެ ގޮތުގައި ކައުންސިލުން ސިފަކުރެއެވެ.

ފަހި ފްލެޓްތައް ހިމެނޭ ސަރަހައްދުގައި ބަސް ހުއްޓި ނެތުމުން ޢާންމުންގެ ކަންބޮޑުވުން އިންތިހާއަށް

މާލޭގެ އާޓިފިޝަލް ބީޗް ސަރަހައްދުގައި ހުރި ރުއްތައް ސާފުކުރުމުގެ މަސައްކަތް މާލެ ސިޓީ ކައުންސިލުން ކުރިއަށް ގެންގޮސްފިއެވެ.

މިއީ އެ ސަރަހައްދު ރީތިކޮށް ބޭއްވުމަށާއި، އާންމުންނަށް ރައްކާތެރި މާހައުލެއް ގާއިމުކުރުމަށް ކުރެވޭ މަސައްކަތުގެ ތެރެއިން ކުރިއަށް ގެންދެވުނު ހަރަކާތެކެވެ.

މި މަސައްކަތާ ގުޅޭގޮތުން މާލެ ސިޓީގެ މޭޔަރ އާދަމް ޢާޒިމް ވިދާޅުވީ، މާލޭގެ ޢާންމު ހުސްތަންތަނަކީ ސާފުތާހިރު އަދި ބަލައިލަން ރީތި ތަންތަނަށް ހެދުމަށް، ކައުންސިލުން ޚާއްޞަ އިސްކަމެއްދޭ ކަމަށެވެ. މި ގޮތުން އާޓިފިޝަލް ބީޗަކީ، ގިނަ ޢަދަދެއްގެ ބަޔަކު އެއްވެ އުޅޭ ތަނަކަށް ވުމުން، އެ ތަނުގެ ރުއްތައް ކޮށައި ސާފުކުރުމަކީ، މުހިންމު ކަމެއްކަން މޭޔަރ ފާހަގަކުރެއްވިއެވެ.

މި ހަރަކާތުގައި ރުއްތަކުގައި ހުރި ހިކި ފަންތަކާއި، ބޭނުންނުވާ ބައިތައް ކޮށައި މުޅި ސަރަހައްދު ވަނީ ސާފުކޮށްފައެވެ. މި ފަދަ މަސައްކަތްތައް މާލެ އާއި ވިލިމާލޭގައި ވެސް ދޭތެރެ ދޭތެރެއިން އަންނަނަނީ ކުރަމުންނެވެ. 

The Malé City Council has carried out cleaning and maintenance work on palm trees at Artificial Beach in Malé.

The activity was done to keep the area clean and safe for the public.

The Council said the work helps maintain public spaces in good condition. It also said Artificial Beach is a busy area where many people gather, so regular maintenance is important.

Mayor Adam Azim said the Council gives priority to keeping public spaces clean and well maintained.

During the work, dried leaves and unwanted parts of the palm trees were removed, and the area was cleaned.

The Council also said similar cleaning work is carried out regularly in Malé and Vilimalé.

އާޓިފިޝަލް ބީޗް ސަރަހައްދުގައި ހުރި ރުއްތައް ސާފުކޮށްފި

ޗައިނާ އިން ދިވެހިރާއްޖެއަށް ކަނޑައަޅުއްވައިފައި ހުންނަވާ ސަފީރު ކޮންގް ޒިއަންހުއާ، މާލެ ސިޓީގެ މޭޔަރ އާދަމް ޢާޒިމާ ބައްދަލުކުރައްވައިފިއެވެ. 

މި ބައްދަލުކުރެއްވުން އޮތީ ބުރާސްފަތި ދުވަހު މާލެ ސިޓީ ކައުންސިލްގެ އިދާރާގައެވެ.

މި ބައްދަލުވުމުގައި ވާހަކަފުޅު ދައްކަވަމުން މޭޔަރ އާދަމް ޢާޒިމް ވިދާޅުވީ، މާލެ ސިޓީގެ މޭޔަރު ކަމުގެ މަޤާމާ ހަވާލުވެވަޑައިގެން މިވީ މަދު ދުވަސްކޮޅުގެ ތެރޭގައި މާލެ ސިޓީއަށް ކުރިމަތިވެފައިވާ މައްސަލަތައް ހައްލުކުރެއްވުމަށް ޓަކައި ގިނަގުނަ މަސައްކަތްޕުޅުތަކެއް ކުރައްވައިފައިވާ ކަމަށެވެ. އަދި ކުރިއަށް އޮތް ދުވަސްތަކުގައި ވެސް އިތުރު ކަންކަން ކުރުމަށް ޕްލޭން ކުރެވިފައިވާ ކަމަށް މޭޔަރ ފާހަގަކުރެއްވިއެވެ.

މޭޔަރ ޢާޒިމް ވިދާޅުވީ އެ މަނިކުފާނުގެ މޭޔަރުކަމުގެ މި ދައުރު ނިންމަވާލައްވާއިރު، މިހާރަށް ވުރެ އަމާން، ހުރިހައި ގޮތަކުން ވެސް ދިރިއުޅެން ފަސޭހަ ސިޓީއަކަށް މާލެ ސިޓީ ހެއްދެވުމުގެ ތަޞަވުރެއް ގެންގުޅުއްވާ ކަމަށެވެ. މި ތަޞައްވުރު ޙަޤީޤަތަކަށް ހެއްދެވުމަށް ކުރައްވާ މަސައްކަތްޕުޅަށް ކުރިމަތިވެވަޑައިގެންފައިވާ ދަތިތަކެއް ހުރިކަން މޭޔަރ ފާހަގަކުރެއްވިއެވެ. މި ގޮތުން ކުރިމަތިވެވަޑައިގެންފައިވާ އެންމެ ބޮޑު ދައްޗަކީ، މުއައްޒަފުންގެ ދަތިކަން ކަމަށް ވާތީ، އެ ކަން ހައްލުކުރެއްވުމުގެ މަސައްކަތްޕުޅު ވެސް ފައްޓަވައިފައިވާކަން މޭޔަރ ފާހަގަކުރެއްވިއެވެ. 

ރާއްޖޭގެ ތަރައްޤީގެ މައިގަނޑު ބޮޑެތި މަޝްރޫޢުތަކަށް އެހީތެރިވެދީ، ރާއްޖޭގެ ކުރިއެރުމުގައި ޗައިނާ ސަރުކާރުން އަދާކުރާ މުހިންމު ދައުރަށް ޓަކައި، މޭޔަރ ޢާޒިމް ވަނީ ޝުކުރު އަދާކުރައްވައިފައެވެ. ދެ ޤައުމުގެ ދެމެދުގައި އޮތް ޒަމާންވީ ގާތް ގުޅުމުގެ މައްޗަށް އަލިއަޅުއްވާލައްވަމުން މޭޔަރ ވިދާޅުވީ، މި ގުޅުމުގެ ސަބަބުން ކުރިއަށް އޮތް އަހަރުތަކުގައި ވެސް ދެ ޤައުމަށް ފާގަތިކަމާއި އިތުބާރު ލިބިގެންދާނެ ކަމަށް އުންމީދުކުރައްވާ ކަމަށެވެ.

މި ބައްދަލުވުމުގައި ޗައިނާގެ ސަފީރު ކޮންގް ޒިއަންހުއާ ވިދާޅުވީ، ކުރިއަށް އޮތް ދުވަސްތަކުގައި މާލެ ސިޓީ ކައުންސިލާއެކު އޮތް ގުޅުން އިހަށްވުރެ ބޮޑަށް ބަދަހިކުރައްވާނެ ކަމަށެވެ. އަދި ކައުންސިލުން ކުރިއަށްގެންދާ އެކިއެކި މަސައްކަތްތަކަށް ދެވެން އޮތް ހުރިހައި އެއްބާރުލެއްވުމެއް ދެއްވާނެ ކަމުގެ ޔަގީންކަން ސަފީރު ދެއްވިއެވެ.

މި ބައްދަލުވުމުގައި މޭޔަރ ޢާޒިމްގެ އިތުރުން، މާލެ ސިޓީ ކައުންސިލްގެ ޑެޕިއުޓީ މޭޔަރ މީކާއީލް މުހައްމަދު ރިޔާޟް އާއި ކައުންސިލްގެ ސެކްރެޓަރީ ޖެނެރަލް ޢަބްދުލް މުހައިމިން ވެސް ބައިވެރިވެވަޑައިގެންނެވިއެވެ.

The Ambassador of China to the Maldives, Kong Xianhua, paid a courteous visit to Malé City Mayor Adam Azim at the Malé City Council headquarters on Thursday.

At the meeting, Mayor Azim outlined the Council’s efforts to address key challenges facing the city, and shared plans for future development initiatives. He reiterated his vision of making Malé City a safer and more livable place for residents, while pointing out that staffing shortages remain one of the main challenges in achieving this goal.

The Mayor also conveyed gratitude to the Chinese government for its ongoing assistance in the Maldives' progress. He highlighted the long-standing bilateral relations between the two countries and expressed his confidence that it would continue to grow stronger in the future.

Ambassador Kong reaffirmed China’s commitment to supporting the work of the Council and said that the cooperation between the embassy and Malé City Council will be further strengthened in the years to come.

Deputy Mayor Mekael Mohamed Riyaz and Malé City Council Secretary General Abdul Muhaimin attended the meeting.

ރާއްޖޭގައި ހުންނަވާ ޗައިނާގެ ސަފީރު މޭޔަރ އާދަމް ޢާޒިމާ ބައްދަލުކުރައްވައިފި

Chinese Ambassador Pays Courtesy Visit to Mayor Adam Azim

މާލެ ސިޓީ ކައުންސިލްގެ ބެލުމުގެ ދަށުގައިވާ، މަސްޖިދުލް ސުލްޠާނުލް ޢާދިލް (ޢާދިލް މިސްކިތް) ގެ ސައުންޑް ސިސްޓަމަށް ބޭނުންކުރާ 50 ފޫޓުގެ ކަރަންޓް ކޭބަލެއް، ރޭގެ ވަގުތެއްގައި ވަގަށް ނަގައިފިއެވެ. 

މި ހާދިސާއާ ގުޅިގެން މިސްކިތުގެ އަޑުގަދަކުރާ ނިޒާމަށް ވަނީ ބުރޫއަރައިފައެވެ. އެ ގޮތުން ރޭ ގެ ފަތިސް ނަމާދު ކޮށްފައިވަނީ ސައުންޑަކާ ނުލައެވެ. އެހެން ނަމަވެސް މެންދުރު ނަމާދަށް ބަންގި ގޮވުމުގެ ކުރިން، ކޭބަލް އަލުން އެޅުމުގެ މަސައްކަތް މިހާރު އަންނަނީ ކުރަމުންނެވެ. 

މި ވައްކަމުގެ މައްސަލަ މިހާރު ވަނީ، މޯލްޑިވްސް ޕޮލިސް ސަރވިސްއަށް ރިޕޯޓްކޮށްފައެވެ. 

މާލެ ސިޓީ ކައުންސިލުން ބަލަހައްޓަމުންދާ ޖުމްލަ 41 މިސްކިތެއް، މާލެ ސަރަހައްދުގައި ހުންނައިރު، މިސްކިތްތަކުން ވައްކަން ކުރުމަކީ ދޭތެރެ ދޭތެރެއިން ފާހަގަކުރެވޭ ބޮޑު މައްސަލައެކެވެ.

މި ކަމާ ގުޅިގެން މާލެ ސިޓީގެ މޭޔަރ އާދަމް ޢާޒިމް ވަނީ، ކަންބޮޑުވުން ފާޅުކުރައްވައިފައެވެ. ޢާޒިމް ވިދާޅުވީ "މިސްކިތްތަކުން ވައްކަން ކުރުމަކީ ވަރަށް ނާތަހުޒީބު ޢަމަލެއް" ކަމަށެވެ. އަދި މި ފަދަ ޢަމަލުތައް ހިންގާ ފަރާތްތައް ހޯދައި، އެ ފަރާތްތަކަށް ގާނޫނީ ގޮތުން ދޭންޖެހޭ ހައްޤު އަދަބު ދޭންޖެހޭނެ ކަމަށް ވެސް، މޭޔަރ ޢާޒިމް ވިދާޅުވިއެވެ.

މިސްކިތްތަކުގެ ސަލާމަތާއި ރައްކާތެރިކަން ކަށަވަރުކުރުމަށް ކައުންސިލުން މަސައްކަތް ކުރަމުންދާއިރު، މި ފަދަ ކަންކަމުގެ ސަބަބުން މިސްކިތްތަކުން ދޭ ޚިދުމަތްތަކަށް ބުރޫއަރައި، ކައުންސިލަށް ބޮޑެތި ގެއްލުންތަކެއް ދަނީ ލިބެމުންނެވެ.

A 50-foot power cable used for the sound system at Masjid al-Sultan al-Adil (Adil Mosque), maintained by the Male' City Council, was stolen late Friday night.

The theft disrupted the mosque's audio setup. As a result, worshippers performed the Fajr prayer without microphones or speakers. Council staff are working to replace the cable before the Dhuhr prayer call.

The Male' City Council reported the case to the Maldives Police Service for investigation.

The Council manages 41 mosques in the Greater Malé area and has recorded multiple theft cases at mosque premises.

Mayor Adam Azim said the authorities should identify those responsible and take legal action against them.

The Council stated that thefts at mosques disrupt services and are costly to repair and replace equipment.

މަސްޖިދުލް ސުލްޠާނުލް ޢާދިލްގެ ސައުންޑް ސިސްޓަމްގެ ކޭބަލެއް ވަގަށް ނަގައިފި

Cable Stolen from Masjid Al Sultan Al Adil Sound System

މާލޭގެ އާޓިފިޝަލް ބީޗުގައި ބާއްވާ އެކި ހަރަކާތްތަކުގައި އަޑުގަދަވުމުގެ ސަބަބުން، އާންމު ރައްޔިތުންނަށް އުނދަގޫވަމުންދާ މައްސަލައާގުޅޭގޮތުން، މާލެ ސިޓީ ކައުންސިލްގެ 5 ވަނަ ދައުރުގެ 3 ވަނަ ރަސްމީ ޢާއްމު ޖަލްސާގައި މަޝްވަރާކޮށްފިއެވެ. 

މައިގަނޑު ގޮތެއްގައި މަޝްވަރާ ކުރެވުނީ، ރޭގަނޑު 12:00 ގެ ފަހުން އަޑު ގަދަވުން ހުއްޓުވުމަށާއި، ޢާންމުންނަށް އުނދަގޫ ނުވާނެ ގޮތަކަށް އުސޫލުތައް ކަނޑައެޅުމަށެވެ. 

މި މައްސަލައާ ގުޅޭގޮތުން މޭޔަރ އާދަމް ޢާޒިމް ވިދާޅުވީ، އާޓިފިޝަލް ބީޗު ނޫނަސް، ޢާންމު އެއްވެސް ތަނެއްގައި، ރޭގަނޑު 12:00 ގެ ފަހުން އަޑުގަދަކުރާ ނަމަ އެ ކަން ހުއްޓުވަން ޖެހޭކަމަށެވެ. އަދި އިވެންޓް ބާއްވާ ފަރާތްތަކުން، އަޑުގެ ކޮންޓްރޯލް ބަހައްޓަން ޖެހޭ މިންވަރާއި ގަޑިތައް ކަނޑައެޅިދާނެ ކަމަށް މޭޔަރ ވިދާޅުވިއެވެ.  މިއީ ކުޑަ ކުދިންނާއި މުސްކުޅިން އަދި ކިޔަވާ ކުދިންނަށް އުނދަގޫވާ ކަމެއްކަން، މޭޔަރ ޢާޒިމްގެ ވާހަކަފުޅުގައި ފާހަގަ ކުރެއްވިއެވެ. 

މި ކަމާ ގުޅޭ ގޮތުން ވާހަކަފުޅު ދައްކަވަމުން، މާފަންނު ދެކުނު ދާއިރާގެ ކައުންސިލަރު އިބްރާހިމް ލަބާން ޝަރީފް ވިދާޅުވީ، ރޭގަނޑު ވަކި ވަގުތެއް ކަނޑައަޅައި އަޑު މަޑުކުރަން އެންގުން މުހިންމު ކަމަށާއި، ރޭގަނޑު ގަޑީގައި މަސައްކަތް ކުރާއިރު ވެސް، މީހުންނަށް އުނދަގޫ ނުވާނެ މިންވަރަކަށް އަޑު ބަހައްޓަންޖެހޭކަމަށެވެ. 

މާފަންނު އުތުރު ދާއިރާގެ ކައުންސިލަރު ޙުސައިން ފުރުޝާން ވިދާޅުވީ، މިހާރު ވެސް އަޑުގަދަކުރުމާ ގުޅޭ ގާނޫނެއް އޮންނަ ކަމަށާއި، ރޭގަނޑު 12:00 ޖަހަންދެން އަޑުގަދަކުރާ ބޭނުންކުރެވޭ ކަމަށެވެ. ނަމަވެސް އޭގެ މާނައަކީ ކައިރީގައި އުޅޭ މީހުންނަށް އުނދަގޫވާ ވަރަށް އަޑުގަދަކޮށް ކަންކަން ކުރުން ނޫން ކަމަށް އޭނާ ވިދާޅުވިއެވެ.

މާލޭގައި އިވެންޓްތައް ބާއްވާނެ ގިނަ ތަންތަން ނެތްކަން ފާހަގަކުރައްވަމުން، އާޓިފިޝަލް ބީޗު ފަދަ ހާމަ ތަނެއްގައި އިވެންޓް ބާއްވާއިރު ކޮންމެވެސް ވަރަކަށް އަޑު ހުންނާނެ ކަމަށް ވެސް ފުރުޝާން ވިދާޅުވިއެވެ.

އެއްވެސް ކަމަކާ ގުޅިގެން ރޭގަނޑު 12:00 ގެ ފަހުން، އަޑުގަދަކުރާ ބޭނުންކުރާ ނަމަ އަޑު މަޑުކުރެވޭނެ އިންތިޒާމެއް ހަމަޖެއްސުމަށް މިއަދުގެ ޖަލްސާގައި މަޝްވަރާކޮށް ނިންމިއެވެ. ގާނޫނީ ގޮތުން މިހާރު ވެސް މަނާ ކަމަކަށް ނުވިޔަސް، ޢާންމުންނަށް ކުރިމަތިވާ އުނދަގޫތައް ކުޑަކުރުމަށް ޓަކައި، މިހާރު އޮތް މިންވަރަށް ވުރެ ބޮޑަށް އަޑު ގަދަކުރުމުގެ ފުރުސަތު ނުދިނުމަށް، ފުރުޝާން ވަނީ މިއަދުގެ ޖަލްސާގައި ލަފާދެއްވައިފައެވެ. 

މީގެ އިތުރުން މިކަމާ ގުޅޭ ގޮތުން ހެންވޭރު ދެކުނު ދާއިރާގެ ކައުންސިލަރު އައިޝަތު ނާޒިމާ އާއި ހެންވޭރު އުތުރު ދާއިރާގެ ކައުންސިލަރު ފާތިމަތު ލައިޒާ މާފަންނު މެދުދާއިރާގެ ކައުންސިލަރު ޢާއިޝަތު ހަނާ އާއި ގަލޮޅު ދެކުނު ދާއިރާގެ ކައުންސިލަރު އިސްމާޢީލް ހަލީމް އަދި ވިލިމާލެ ދާއިރާގެ ކައުންސިލަރު އިބްރާހިމް ސަމާޙް ވެސް ވަނީ ވާހަކަފުޅުދެއްކެވިއެވެ. 

އާޓިފިޝަލް ބީޗުގައި އަޑުގަދަވާ މައްސަލައަށް ހައްލެއް ހޯދުމަށް ކުރިއަށް އޮތް ކައުންސިލް ޖަލްސާގައި ގޮތެއް ނިންމުމަށް ވަނީ ނިންމާފައެވެ. 

The issue of public disturbance caused by loud noise during events at Malé’s Artificial Beach was discussed at the 3rd General Meeting of the Malé City Council’s 5th term.

Council members focused on the need to regulate noise after 12:00 a.m. and introduce measures to reduce inconvenience to the public.

Mayor Adam Azim stated that loud noise should be restricted after 12:00 a.m. in all public spaces, not just at Artificial Beach. He added that time limits and sound control measures could be introduced for event organizers, noting that excessive noise affects children, the elderly and students.

Maafannu South Councilor Ibrahim Laban Shareef said noise levels should be regulated at night and kept within limits even during nighttime operations to avoid disturbing residents.

Maafannu North Councilor Hussain Furushan noted that existing regulations permit the use of loudspeakers until 12:00 am. He stressed that the law does not permit disruptive sound levels. He also acknowledged the limited availability of event venues in Malé, which often leads to the use of open spaces such as Artificial Beach.

During the meeting, members agreed to explore measures to reduce sound levels if loudspeakers are used after 12:00 am while ensuring compliance with existing legal limits to minimize public disturbance. Several other councilors, including representatives from Henveiru South, Henveiru North, Maafannu Central, Galolhu South, and Vilimalé, also contributed to the discussion.

Regulation of noise at Artificial Beach is to be decided at the next council meeting.

Latest news

Latest news