ތިޔަ ކުދިން މިއަދު ކުރާ ހިތްވަރަކީ، މުސްތަޤުބަލަށް އެޅިގެންދާނެ ބިންގާ ކަމަށް މާލެ ސިޓީގެ މޭޔަރ އާދަމް އާޒިމް ވިދާޅުވެއްޖެއެވެ.
2026 ވަނަ އަހަރުގެ ދިރާސީ އައު އަހަރުގެ ކިޔެވުން މިއަދު ފެށުމާ ގުޅިގެން އެމަނިކުފާނުގެ އަމިއްލަފުޅު އެކްސްގައި ކުރެއްވި ޕޯސްޓުގައި ވިދާޅުވީ، 2026 ވަނަ އަހަރުގެ ދިރާސީ އަހަރުގެ ކިޔެވުން މިއަދު ފެށޭއިރު، ރާއްޖޭގެ އެންމެހާ ދަރިވަރުންނަށް އުފާވެރި އަދި ކާމިޔާބު އަހަރަކަށް އެދޭ ކަމަށެވެ.
މޭޔަރ ޢާޒިމް ވިދާޅުވީ، ތިޔަ ކުދިން މިއަދު ތިޔަ ކުރާ ހިތްވަރަކީ އަޅުގަނޑުމެންގެ މުސްތަޤުބަލުގެ ބިންގާ ކަމަށާއި މާތް اَللَّٰهْ ގެ އިރާދަފުޅާއިއެކު މި އަހަރަކީ ކުރިއެރުމާއި ކާމިޔާބީގެ އަހަރަކަށް ހެދުމަށް މަސައްކަތް ކުރުމަށް ދަރިވަރުންނަށް ހިތްވަރު ދެއްވާފައެވެ.
"2026 ވަނަ ދިރާސީ އަހަރުގެ ކިޔެވުން މިއަދު ފެށޭއިރު، ރާއްޖޭގެ އެންމެހާ ދަރިވަރުންނަށް އުފާވެރި އަދި ކާމިޔާބު އަހަރަކަށް އެދެން. ތިޔަ ކުދިން މިއަދު ތިޔަ ކުރާ ހިތްވަރަކީ އަޅުގަނޑުމެންގެ މުސްތަޤުބަލުގެ ބިންގާ. މާތް اَللَّٰهْ ގެ އިރާދަފުޅާއިއެކު މި އަހަރަކީ ކުރިއެރުމާއި ކާމިޔާބީގެ އަހަރަކަށް ހަދަމާ ހިނގާ" މޭޔަރ ޢާޒިމް ވިދާޅުވިއެވެ.
އެޑިއުކޭޝަން މިނިސްޓްރީން އާންމުކުރި ތަފާސްހިސާބުތަކުގައި ވާގޮތުން މި އަހަރު ޕްރީސްކޫލް އިން ފެށިގެން ގްރޭޑް 12 އާ ހަމަޔަށް 80،000 އަށްވުރެ ގިނަ ދަރިވަރުން ތައުލީމު ހާސިލުކުރާނެއެވެ.